انٹرنیشنل اسلامک یونیورسٹی لائبریری میں "شیخ الاسلام کارنر" کا قیام
انٹرنیشنل اسلامک یونیورسٹی اسلام آباد کی ڈاکٹر حمید اللہ لائبریری میں شیخ الاسلام ڈاکٹر محمد طاہرالقادری کی 650 سے زائد کتب بطور تحفہ پیش کی گئیں۔ اس موقع پر ایک پروقار تقریب کا انعقاد کیا گیا جس میں یونیورسٹی کے ڈائریکٹر جنرل ڈاکٹر محمد ضیاءالحق، چیف لائبریرین ڈاکٹر ساجد مرزا، فیکلٹی ممبران اور تحریک منہاج القرآن اسلام آباد کے صدر محمد حفیظ اعوان سمیت دیگر ذمہ داران نے شرکت کی۔
تقریب سے خطاب کرتے ہوئے ڈاکٹر محمد ضیاءالحق نے شیخ الاسلام ڈاکٹر محمد طاہرالقادری کی علمی و فکری خدمات کو خراجِ تحسین پیش کیا اور اعلان کیا کہ ڈاکٹر حمید اللہ لائبریری میں ایک مستقل "شیخ الاسلام کارنر" قائم کیا جائے گا تاکہ طلبہ اور محققین ان کی علمی تصانیف سے استفادہ کر سکیں۔ یہ اقدام اسلامی علوم، بین المذاہب ہم آہنگی اور اعتدال پسند فکر کو فروغ دینے کی ایک اہم کاوش قرار دیا جا رہا ہے۔
تبصرہ